RSS

WELKOM

Welkom by my BLOG

Hierdie is ‘n versameling van gedagtes, waarnemings en gedigte wat grepies uit my lewe blootlê. Gebruik gerus die kategorie filter hier regs om jou soektog deur my Blog te vergemaklik.

En voel vry om kommentaar te los.

Beter nog, teken sommer in op my blog en kry al die nuwe skrywes in jou epos!

Kyk onder Argiewe om ouer inskrywings te lees of gebruik die katagorie filter hier regs om die inskrywings per katagorie te filtreer.

Groete
Jacques

Advertisements
 
Kommentare af op WELKOM

Posted by op Oktober 27, 2011 in Uncategorized

 

Die klippie

1200px-Stone_skimming_-Patagonia-9Mar2010

(Opgedra aan Oom Anton en sy gesin)

Wip my klippie,

wip los en flink.

Dis die horison

wat vir jou wink.

Met elke hop

los jy ‘n kring

wat elke hart

diep binne dring.

Hop klippie,

hop reguit, hoog.

Maar jou tree raak korter

en laer jou boog.

Nogsteeds kring jy

met elke tref.

Nog korter tree

en eindbesef.

 

Skielik, sonder verweer

verdwyn my klippie van my sig.

Net sy groeiende sielekring

glinster in die warm Agterbaai sonlig.

 

Sink my klippie

sink sag

wyl jou Skepper

met ope arms wag.

(19 Nov 2017)

(Kopiereg Jacques van Zyl 2017)

 
Lewer kommentaar

Posted by op November 20, 2017 in Gedigte

 

Sleutelwoordw: , ,

Die ou koei

cow1

Vroegaand hoor jy haar

Bulk en knor

Vuil, moeg en deur getrap

Wyl iemand haar sleep,

Aan oor en poot

Uit die sloot.

 

Storm sy die kamp in

Vol stof en wond.

Sy vertrap en verskeur

Soos sy druk en beur

Om te wys dat sy nog leef

Al is haar lyf al krom en skeef

 

Heel nag lank kerm en kla sy

En haar spore grou diep in die grond

Terwyl sy stof op skop

en mor

 

Teen skemer het ‘n gespanne stilte oor die werf gedaal

die plek waar die koei was nou leeg en kaal.

maar terug in haar sloot,

bedek met ‘n digte oggend mis,

hoor jy haar nog rond dwaal

tot iemand haar weer uit die sloot gaan haal.

Kopiereg – Jacques van Zyl (2017)

 
Lewer kommentaar

Posted by op Augustus 30, 2017 in Gedigte

 

Sleutelwoordw: ,

Die rots

rock

(vir Oom Anton)

‘n Sagte rots,

Staan vas en trots

Terwyl die lewenswaters

Teen hom klots.

 

Jaar na jaar

Op sy plek

Met mos en voels

Bevlek

 

Dan eendag

Tref die stormsee

En saggies ongesiens

Gee rotsfondasie mee

 

En nes die storm

Sou bedaar

Wankel rots

Sy weerstand klaar

 

Saggies glip hy

Van sy troon

Tot donker dieptes

Niks as kroon

 

Daar word rots

Nou die diepte vul

Deur perdevoet

En bamboes omhul

 

Wys ons die plek

Met bang en hoop

Waar die wankelrots

Sy pad nog loop

(Kopiereg – Jacques van Zyl 2017)

 
2 Kommentaar

Posted by op Augustus 1, 2017 in Gedigte

 

Sleutelwoordw: , , ,

Dryfhout

driftwood-616x346

Dryfhout balk

Uitgespoel

Lê gehawend

Sonder doel

 

Skrynwerker

bespiet die gawe

Wat daar wag

Wyl ander dit verag

 

Met sukkel en met tyd

Word die dryfsel

Op sy werksbank neergelê

Die rommelhout wat geen wou hê

 

En dan met sagte hand

Word dit verwerk

Geskaaf, geskuur

Versterk

 

Tot die pragstuk meubel

Trots vertoon

Wyl die dryfhout

Steeds homself verloon

 

Wie sal dan aansien vind

In ‘n stuk verslete plank

Iets wat sout, water, wind

Verwerp vir so lank.”

 

Dan word al die meubels

In skrynekatedraal

Kom haal en verpand

Maar  die dryfhout prag

Versit nie hand.

 

Sowaar, “ dink die dryfhout

Ek is niks werd, “ (met splintertraan)

Niemand wil my hê.

Plaas ek in die see vergaan.”

 

Nee,” sê die skrynwerker

Jou voegwerk was met hartsraad.

My siel is in jou gestort,

‘n liefdesdaad.

 

Die kosbaarste een

Uit my hart ontvou

Het ek voor trou beloof

En vir myself gehou.”

 
Lewer kommentaar

Posted by op Junie 7, 2017 in Gedigte

 

Sleutelwoordw: , , , , ,

Die meester se spel

human-chess

Met verwagting

Gooi die meester sy stukke op die bord

En pak elkeen met presisie

In krippies vierkantig, en voetjies rond

 

Elkeen met sy eie taak

vooraf vasgestel

Die spel is aan, die bord geset

Elke stuk se tyd getel.

 

Dan skuif die meester

Die stukke rond

En beplan met sorg,

Elkeen vir hom waardevol.

 

Al die stukke

Tesame doel, en tesame eer

Maar elkeen op eie blokkie

geisoleer.

 

Dan,  begin die stukke val

Terwyl elke stuk stil toekyk

Die offer wat elkeen bied

Laat die meester sy doel bereik

 

Na die laaste koning val

sal die meester die stukke ophef

En veilig in sy kas bewaar

Hul doel gedien, die spel is klaar.

kopiereg – Jacques van Zyl 2017

 
Lewer kommentaar

Posted by op Junie 6, 2017 in Gedigte

 

Sleutelwoordw: , , ,

Daagliks

oggend

Elke werksoggend

met klokslag presisie

Ontwaak ons met

Die rituele kondisie
Kinders wakker skud

pap en kosblik maak

Kyk net wat die weer sê

En hoe dit die uniform raak
Maar neem dit weg

Dan voel ons gou

Dat die genade gawe

Ons eintlik lewend hou
Dis wat ons doen

al kan kinders neul

Dankie Heer sê ek opreg

Vir die oggend ritueel

 
Lewer kommentaar

Posted by op April 3, 2017 in Uncategorized

 

Liedjie vir ouma

guitar-hands

Vanoggend ry ek ver

Om vir ouma te kom sing.

Dis my drukkie en my troos

Wat ek vir ouma bring.

 

Ek tokkel en ek sing

Van Sias tot Koos.

Ek sing van liefde en lekker

Soms van hartseer en troos.

 

Ek bly af kyk na die kitaar

En my gedagtes so anker,

Want anders sou ouma se trane

My liedjie laat wankel.

 

Want ouma se ween laat my verlang

Na Ruyterwacht en oupa

En aande van musiek maak en kuier

 

Terwyl my vingers die snare streel

En my stem die Onse Vader keel

Stry my hart teen hartstog emosie

Hoor ek hoe preuwel ouma haar hart se storie.

 

Sy verlang na haar kinders

Haar man en haar huis

En op die akkoorde van d majeur

Bely sy haar Heer en haar kruis.

 

Ek sing vir ouma ‘n liedjie.

Saggies uit my hart gespoel.

Die trane wat die herinneringe bring

Was alles net opreg bedoel.

 
1 Kommentaar

Posted by op Februarie 7, 2017 in Gedigte

 

Sleutelwoordw: , , , ,