RSS

Anja – Inentaksie

10 Jan

Anja in droomland the day after 

Hey dis ‘n nuwe jaar! Of eintlik is dit al 10 dae nader aan sy einde. Nadat almal hulle gatvol geshop het en twintig paper cuts opgedoen het terwyl hulle pakkies opgemaak het, en almal werklik daarna die rus nodig het, is die “groot dae” verby en is dit weer skouer aan die wiel – net dalk nou voel dit soos ‘n trekker band met sneeu kettings om!

Geluk in elkgeval dat jy die nuwejaar se dronknes drywers oorleef het.

Gister (9de) het Anja vir haar tweede inenting gegaan. Pa was egter die keer saam (synde nog met verlof). Die geleentheid was om 11:45 . Ma en Pas was opmerklik gespanne en Anja was ook effe versigtig om te jolig voor te kom – iets was beslis nie pluis nie.

12:00 en die Party begin. Ons is eers ge”brief” oor Anja se praftige gewigstoename al is sy op ‘n streng tiettie dieet. Die statistiek was 33g/dag – gemiddeld draai vir babas Anja se ouderdom by 17g/per dag (of so se die slim vrou). Ons was nogal effe bree bors oor ons spruit se vertoning en ma weet toe ook sommer haar melkies het woema!

Maar die goeie tye het ook maar gou gekwyn toe die inspuitingnaalde begin verskyn. Weereens een in elke been. Ek moes haar bene vashou terwyl die baba-vrou Anja sou poke. Ai, dis toe daai eerste naald tref dat Anja ‘n tragedie in A mineur weergalm. Ek het maar weggekyk terwyl die genadeslagting plaasvind. Gou gou volg die tweede een. Die vrou laat my egter weet terwyl die dinge gebeur dat na die tweede shot sy die watte opplak en dat ek dan Anja dadelik oor die skouer moet gooi en omdraai sodat Anja se aandag met ‘n kartonblom met klokkies afgetrek kon word. Dit het met gemengde welslae gewerk. Ma moes maar gou gryp en probeer troos.

Dit was die magic wat nodig was en Anja het kalmeer.

Verder die dag was sy effe kniesterig en 4uur die volgende more het ons suksesvol met ‘n ligte koors afgereken. (dankie aan Panado vir kinders)

Vanoggend was sy weer happy soos altyd en ons was bly. Terwyl ek nou hier sit en blogeer is Ma met Anja besig om haar nou meer te leer oor die wonders van NIE op die arm aan die slaap raak nie. Ek dink dat ek dalk maar net hier voor die puter op my eie arm rus moet vind…!

 
3 Kommentaar

Posted by op Januarie 10, 2007 in Uncategorized

 

3 responses to “Anja – Inentaksie

  1. Johan Swarts

    Januarie 11, 2007 at 12:27 vm

    einaaaaaa…daai naalde maak einaaaaaa…

     
  2. jakie

    Januarie 11, 2007 at 7:09 vm

    Jys reg meneer. Vir haar was dit seker soos ‘n 3mm naald wat in haar ingeforseer is! Ag shamepies…

     
  3. Da Mario

    Januarie 17, 2007 at 5:06 vm

    Ek het ook altyd dit gehaat as ek my kinders moes laat inent. My vrou like nie naalde nie, so ek het daai vashou werk ook moes doen. Gelukkig word die kids ouer en die inspuitings minder….

     

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s

 
%d bloggers like this: